September 8, 2024: Tennis history deh sobse bhal player ekta, Roger Federe para Arthur Ashe Stadium deh ekta stylish return banai shae. US Open para hotai sal celebrities kan keh bishi host kuri shae aro etu sal b eki ase. Federer keh chari nah, Maria Sharapova aro Serena Williams keh b matches kan sah diki nah ase. Taila playing career time deh, Federer tho taila classy approach karne janeh aro etu sal tai UP open deh wapas aha tho, utu eki vibe khe maintain kura diki shae. Fans kan X deh jai shae, Federer laka US open credential identify laka photo keh share kuri bole. Photo deh ekta buka tuxedo aro ekta kala bow tie lakai taki shae. Taila credential card keh react kuri nah, fans kan bishi etu tho taila personality aro aura keh reflect kureh kui nah joke kuri shae Taila career time deh, Federer para US Open pas par jiti shae (2004, 2005, 2006, 2007 and 2008). Tai Australian Open b choi par jiti shae (2004, 2006, 2007, 2010, 2017, 2018), French Open ekbar (2009) aro Wimbledon tho atha par jiti shae(2003, 2004, 2005, 2006, 2007, 2009, 2012, 2017). ATP para 310 hapta karne taike world no.1 rank kuri shae, singles deh. Tai paspar year end- no.1 deh kotom kuri shae. Taila career time deh, 103 singles title jiti shae, ATP Tour deh, kuto second all time ase. Tateh 20 major titles aro choitha yeat end championships ase.
Roger Federer style deh US Open appearance banai shae
