NESO PM Modi ke silence break kuri bole urge kurishey

GUWAHATI, SEPT 13: North East Students Organisation (NESO), Assam, Meghalaya, Manipur, Mizoram, Nagaland, Arunachal Pradesh, aru Tripura la seven states para athta (eight) students union consist kura, Prime Minister Narender Modi aru Union Home Minister Amit Shah ke likhishey, Manipur tey chuli thaka violence, kuntu toh 16 months karne continue kura, opor tey bishi chinta express kurina. Etu student bodies All Assam Students’ Union (AASU), Khasi Students’ Union (KSU), Garo Students’ Union (GSU), All Manipur Students’ Union (AMSU), Mizo Zirlai Pawl (MZP), Naga Students’ Federation (NSF), All Arunachal Pradesh Students’ Union (AAPSU), aru Twipra Students’ Federation (TSF) khan milai. Tai khan laga letter tey, NESO etu violence condemn kurishey, itu ke “deplorable” mati kena aru humanity, peace, aru coexistence la principles khan la khilaf asey kuina. NESO Prime Minister ke Manipur visit kuri bole, situation assess kuri bole aru vulnerable civilians, specially maiki khan aru bachcha khan karne security dibole request kurishey. Etu letter arubi ekta high-level peace committee, sob communities para representatives involve kura la formation recommend kurishey, ekta lasting solution toh facilitate kuri bole. NESO Manipur aru pura North East tey peace aru justice karne tai laga commitment toh reaffirm kurina conclude kurishey, sob stakeholders khan ke dialogue embrace kuri bole aru stability restore kura phene kam kuri bole mati kena.