September 15, 2024: Sunday din deh Lionel Messi tho action deh wapas ahi shae aro phat impact banai shae. Etu din deh Inter Miami aro Philadelphia Union klii shae aro Messi laka return deh inter Miami para Philadelphia laka against 3-1 jiti shae. Messi tho June 1 din para Inter Miami karne aha taka nai. Tai Argentina victorious Copa America final deh jokom kah karne ahi nah taka nai. Argentine tho teen hapta agae, training deh wapas ahi shae aro taila return tho country aro club karne b bhal kobor ase. Mikael Uhre para Philadelphia karne scoring tho kuli shae, second minute deh. Hoile b Messi para brace ekta pai nah Miami para ekta comeback banai shae. 26th minute deh, Luis Suarez para Messi keh short pass di shae aro Messi etu pass pai nah ekta defender kur par kuri shae. Par kuri nah tai box laka pitor jai tho shoot kuri nah gola gusai di shae. Etu goal para 1-1 banai di shae. 4 minute piche deh, Messi tho box laka pitor deh cross pai shae aro 15 yards para shot mara tho score kuri di shae. Second half deh Philadelphia kan ekta equalizer pabo leh bisari taki shae, hoile b stoppage time deh, Messi para Suarez keh pai shae, kun, 18 yards para score kura tho 3-1 jiti shae.
Messi, ekta brace aro assist lokot deh injury para wapas ahi shae
Add Comment