Manipur de internet ban taka hataishey

Manipur, Sep 16: N Ashok Kumar, state government laga Commissioner (Home) para koishey ke internet service aro lease line, VSATs, broadbands aro VPN service khan sob joldi restore kuripo koishey. Manipur laga 5 valley districts de internet ban taka toh 6 days piche de hatai dishey. Manipur laga government para aro school khan kali para wapas kholepo le order dishey. N Ashok Kumar para koishey ke jinto services khan ban kure kina asey sop hatai depo koishey. “State Government para etya state laga law and order toh review kurikina Manipur laga state de temporary internet khan ban taka sop hatai dishey , jinto public interest nemedey measure loa laga asey”, enika koishey Mr Kumar para tai laga order de. Ban toh hatai diya piche de , Mr Kumar para manu khan ke urge kurishey ke internet jola time de hoshyar takey kina jolapoley. Nahoi le aro tai khan laga activity para aro ban khan kuripoley olapo. State government para Manipur laga five valley districts- Imphal West, Imphal East, Thoubal, Bishnupur aro Kakching de mobile intyernet ban kuri dishey September 10 de. Edu ban toh student khan laga protest ola nemedey takishey. Tai khan laga protest time de law aro order control kuripo nemedey ban kura takishey.