La Liga 2024-25: Real Madrid para Real Sociedad ke 2-1 haraishey

Madrid, 16 September : Real Madrid para itu La Liga season dey taikhan laga unbeaten shuruwat ekta hard-fought 2-1 jeet logot chari rakhishey, Real Sociedad laga khilaf Reale Arena dey, kitia Kylian Mbappe aro ekbar ekta key role khilishey.Itu French forward, kun Madrid dey itu summer join kurishey, tuita matches dey tai laga third goal score kurisheh, second half deg aaram para ekta penalty ke convert kurina Los Blancos karney sob three points luishey.Mbappe, kun international break agey dey tai laga La Liga account khulishey, Vinicius Jr. para ekta penalty jitia piche dey step up kurisheg kitia Jon Aramburu galti para tai laga theng dey uthishey. Itu Frenchman para eku nerves dikhainai kitia tai para Sociedad goalkeeper Alex Remiro ke galti raasta dey pathaishey, Madrid ke 82nd minute dey ekta 2-1 lead dina.Itu jeet logot, Real Madrid para five league matches piche dey taikhan laga unbeaten run maintain kurishey huilewi league leaders Barcelona logot ekta point piche thakishey, kun khan ekta khel komti khilishey. Itu jeet para Los Blancos ke taikhan laga rivals khilaf pursuit dey rakhi asey, kitia Mbappe aro Vinicius para taikhan laga haamla dey ekta dangerous partnership form kuri asey.