Manipur de Amur Falcon ke bachapole nimedey ban lagaishey

Manipur, Tamenglong : Manipur laga district magistrate para Amur Falcon khan ke nathuripole, namaripole aro nabekhapole nemedey total ban ekta lagaishey. Amur Falcon toh ekta migratory jerya ekta asey aro local khan laga khota de, Akhuaipuina madey. Edu order de koishey ke edu jerya khan laga opor de koa nishina nakurepole laga kaam konpa kurishey koile toh tai khan wildlife protection Act, 1972 laga under de section 59 aro 51 de taka nishina punish kuripo koishey. Edu Amur falcon toh hotai jaka botley kurikina pera laga jerya ekta asey aro, tai khan first nahoiley second week October maina de Tamenglong de ahipole expect kuri asey koishey. Aro tai khan toh November tak toh takipo nishina asey koishey. Edu maina toh tai khan nemedey bishi critical time takipo koishey edu Karne tai khan ke bachapo nemedey tai khan edu ban toh lagaishey koishey. Edu order taka tak toh local manu khan ke tai khan laga bondok khan bosti laga gaon bura khan ke rakhipo depi koishey. September 30 napunja agi de edu bondok khan submit kura laga report toh Deputy Commissioner laga office de anipo lagey koishey. Edu action loa toh enika alak jaat laga jerya khan ke bachopo nemedey kurishey. Aro edu para manu khan ecological balance toh thek rakhipole paripo koishey.