India aro Vietnam Defence nemite

HANOI, NOVEMBER 20 : Tuesday din India desh laga President Ram Nath Kovind toh Vietnamese President Nguyen Phu Trong logot ekta bhal kotha mela kurise. Etu time te Defence aro Oil aro Gas Sectors kan nemite thik pora mela-mele kurikena thakibole karne kotha malaise koise.    Etubi tai 2 jun Desh majutte.Etu kotha nakura ahkete President Ram Nath Kovind toh Hanoi, Vietnam te 3 din karne jaa time te Vietnamese Presidential Palace te Military Guard kan pora bhal te ekta hisba dekhaide kena ahebole dese koise. Aro tai President nemite hua bejete etu South-East Asia aro ASEAN Region te jaa toh ahke wala ase koise.Etu kotha mana time te tai 2 jun desh laga leaders pora Bilateral aro Multilateral kan nemite thik pora mon melekena kotha manaise. Etu oporte tai 2 jun bi Indo-Pacific Region te bhal te aram pora ahkete luijaidebole kotha bhal te mon melekena manaise koise.