Assam Government pora  Orunodoi 3.0 Scheme shuru koreshe

Sep 20: Assam Government pora Orunodoi 3.0 scheme toh shuru koreshe. Etu laka scheme toh miki manu khan ke motot debole laka ase. Etu scheme pora miki khan kam nataka khan ke motot korebole laka ase. Etu Scheme pora aro 12 Lakh miki khan ke motot debo koi ase. Government pora 2025 betor te 37 Lakhs miki  kom kam nai hotai mohina te poisa debole kore ase. Hotai mohina te maiki kam nakora khan Rs 1,250 papo koishe. Orunodoi laks scheme te poisa toh direct malik laka account te potapo koi ase. Aro etu toh India laka pohila DBT  kon toh direct benefit transfer hobo koi ase. Etu schme pora maiki khan Assam laka border laka area te taka khan ke poisa pora motot korebole laka ase. Etu poisa hotai mohina pa pora etu maiki khan business aro korekena tai khan laka khor jolabole parebo. Etu pora maiki khan nejor laka life te age ja bole parebo aro phal hobo. Etu scheme to kali  dangor maiki nemete nahoi. Etu scheme toh Moda nataka maiki, sati nakora maiki, aro 45 sal laka opor laka miki, aro mota pora chari ken a ja laka miki nahoile nejor laka khor manu pora chari kena ja laka miki khan nemete ase.  Etu scheme pora hejara mota are hejara miki khan phe motot kore bo. Aro etu scheme pora kon kon hat aro teng nai nahole susku nai, kota korebole napara aro gao te alak alak tok taka khan ke motot debo. Etu scheme pora puri maiki khan kon old age home te takhe tai khan be etu scheme to lobole parebo.  HIV taka miki, leprosy, aro alak alak dok taka khan nemete ase. Khor nata miki kahn kon rasta te homai aro kai. Tai khan be etu scheme to lobole parebo. Antyodaya Anna Yojana (AAY) lowa maiki khan aro kon kon miki khan ek sal te Rs 2Lakhs pora komti kami etu khan be etu scheme lobole parebo. Holibhe etu scheme te sal te  2lakhs pora opor te kama khan nemete nahoi koishe.   Orunodoi 3.0 scheme toh peshi maiki khan ke motot korebo koishe