Assam te peshi korom nemete School te nuton neom

Sep 20 : Assam laka Cachar district  district te peshe koram ase. Etu koram howa pora peshi students khan dok pai ase. District Magistrate Mridul Yadav pora koishe he tai pora ekata guidelines ponaishe. Etu toh Sep 21, 2024 pora sop private, state aro Central Government school khan mani  bole lakhe koishe.  Etu guidelines toh korom pora peshi students khan tok pa to aram korebole laka ase. Etu guideline laka hesab school khan 7:30 AM te shuru korebo aro 12:30 pm te school laka class to chute korebole lakhe koishe. Aro hotai morning Assemly toh class laka betor te korebole lakhe koishe.  Kele koile pahar te peshi koram taka pora peshi school paja khan koram pora heat stoke aro behosh hoijai. Aro etu laka opor te Schools khan te pani kabole tek pora takhe pole lakhe koishe. Aro etu toh din phor class kotom nahowa tak kabole pani takebole lake koishe. Students khan ke waistcoat aro neck tai natalebole koishe.  Etu korele korom laka time te peshi aram hobo koishe.  Schools khan te fan phal pora kam korebole lakhe koishe.  Aro sob class room te hawa phal pora ahebole laka rasta takebole lakhe koihe. Aro light jai le generator aro battery khan inverter neshena takebole lakhe koishe. Etu khan toh students khan korom pora pajebole nemete koreshe, Aro enaka korele peshi students khan aram pora school te teacher pora heka toh janebo. Aro tai khan korom laka katra pora pajipo. Aro etu laka opor te eku sawal takhele tai laka office te kam kora manu ke hotibi koishe.