Sikkim, 23 Sep 2024: Sikkim laka Mangan district para 30 families nishina ke tai khan laka jaka pora hatai teshe. Etu tho noti laka pani pora buildings khan keri teya pichete te koreshe. Aro etu toh Sikkim laka border jaka phale hoishe. PTI laka report hesab etu toh Friday din te hoishe .Bosti laga mati khan aste aste Teesta laga noti phale girea ase. kintu local manu khan bhui aru hoi ase. Taikhan Government ke jolti motot debole aro etu how opor te sabole koisase. Nim Tshering Lepcha kon ekta bosti laka jaka pora ase. Tai phe etu hatsa te phak lowa manu ekta ase. Tai toh ekta Naga Bosti laka manu ase. Tai pora koishe ke etu noti laka pani pora khor panagi teya manu khan ke phal jaka te loi japole lakhe. Aro pani pora rasta panga toh ponai debole lakhe koishe. 2023 laga flood hoa pejete Etea 11 mohina hoise, hoilebi etea bi eku phal kam kora nai. Government of India bi etu khan serious lobo lagea etu border laga rasta khan ke. Etu tu khali public laga papna nahoi. Aro enaka border laka jaka te toh ami khan laka desh nemete phe khatra ase koishe.
Sikkim te Nodi osro te madi kereshe
Add Comment