NeVA nemide Orientation Workshop loise

Kohima, 20 November: Tuesday din Nagaland Legislative Assembly laga Conference Hall jaga deh 19th & 20th November, 2018 laga Orientation Workshop “National e-Vidhan Application” (NeVA) toh kothom hoise. Etu time deh Speaker NLA, Vikho-o Yhoshu pora inaugurate kora thakise. Orientation Workshop time deh IT, NIC, Parliamentary Affairs aro Nagaland Legislative Assembly laga Officers & Staff be thakise. Workshop laga resource manu toh Mukesh Kumar, Under Secretary & NeVA Convenor aro Priyanka Barthwal, NeVA Coordinator, Ministry of Parliamentary Affairs, Government of India thakise. Digital India Programme, Government of India theme “One Nation One Application” laga pethor deh e-Vidhan toh ekta Mission Mode Projects ase. e-Vidhan Application toh sob States/Union Territories Legislative locations deh bonabole ase. Etu toh stylish e-governance solution ase. Etu pora legislatures aro paper jola toh komti koribo. Aro etu toh Government of India plan GO GREEN” logodebe line deh ase. NeVA toh Paperless House Sessions nemide kora laga ase. Etu pora Members khan Questions/Notices toh online submission koribole paribo, online saijabole paribo. NeVA Mobile App toh Android aro ios Mobiles pora Play Store aro App Store deh download koribole paribo. NeVA toh Member-centric application ase. Etu toh website ekala nahoi kena work-flow based App ase. Etu pora House deh tek pora saijabole paribo. Orientation Workshop toh phal pora kothom hoise. Aro ahhibole sal time deh Nagaland Legislative Assembly toh NeVA pura-puri parikena jolabole biswas kori ase.