UNICEF para Meghalaya youth keh select kuri shae ‘Climate Champion of Young India’ hobo leh

September 24, 2024: Rakesh Saha, kun ekta jawan environmentalist ase, Meghalaya laka West Garo Hills district para, tai keh India laka 30 climate champions hobo leh select kuri shae. Prestigious honor, kuto UNICEF India aro YuWaah para di shae, etu tho ekta rigorous selection process keh follow kureh, kuteh hazar nishi nah applicants kan takeh. Rakesh, kun retire hua teacer Pradip Ch, Saha laka bacha ase, tai ekta six-month National Youth Climate Consortium fellowship deh participate kuri bo. Etu program laka nam deh, tai Meghalaya deh taka jawan manu kan keh educate kuri bo, climate change laka topic deh. Tala role tho awareness uthai di bo karne ase aro jawan manu kan keh inspire kuri bo karne ase, sustainable practices adopt kuri bo karne.  Rakesh Saha tho Don Bosco College, Tura laka ekta graduate ase. Tai, Zoolgy deh Bachelor’s degree ase aro Mizoram University para ekta Master’s degree ase. Rakesh, tai wildlife conservation deh dangor contribution banai shae. Taila notable achievements kan etu ase: Tai Meghalaya AIDS Control Society Quiz competition nishi ah state level competitions deh victories kan bishi ase.