West Siang Deputy Commissioner para National Tobacco Free Youth Campaign launch kurishey

Itanagar, 25 September : West Siang deputy commissioner Mamu Hage para Tuesday dey National Tobacco Free Youth Campaign 2.0 launch kurishey Aalo dey, West Siang district laga headquarters. Itu 60-din event, National Health Mission (NHM) andar dey, West Siang district health society para organize kurishey aro November 23 tak jawo. Participants ke adress kurina, Hage para kuishey ki itu campaign toh muikhan laga society ke tobacco-free kuriboley launch kurishey. National Tobacco Control Programme (NTCP) ke saal 2007-2008 dey ekta objective logot launch kurishey,  tobacco consumption laga harmful effects dey awareness janai diwoley.  Itu youth aro students khan manu laga sharir dey tobacco laga harmful effects janiwo lagey, tai kuishey, aro tai citizens ke appeal kurishey, itu tobacco-free awareness program dey part luwoley. Ta para manu khan ke julti cigarettes, beedis, ghutkas, etc laga illegal selling rukhai diwoley direct kurishey. Hage agey dey ICDS aro Education department ke awareness campaigns conduct kuriboley kuishey, tobacco aro itu laga harmful effects dey. NCD district program officer Dr. Tsering Wangmu para itu campaign laga aims aro objectives toh participants ke highlight kurishey. Tai para kuishey ki tobacco aro tobacco byproducts toh jawaan khan laga main attractions asey, taikhan tobacco aro byproducts laga harmful effects laga janiwo lagey. West Siang DMO in-charge Dr. Tomar Kamki, BEO Kento Ngomdir para bhi tobacco chulawoley discourage kurishey.