Assam te Student ekta muri laka opor te jamela

September 26, 2024:Assam te ekta class nine student muri ja piche te principal in charge aro alak 11 staff members kkan ke transfer kuri di kina ase, Etu toh Sipajhar deh thakha Padumpukhuri High School te hoishe. Etu toh Monday, September 22 din te hui she. Etu te ekta classmate para alak ekta student ke bishibia para marishe kurishe.  Staff members ke transfer kuri bole laga decision tho Assam government para luishe, situation toh bhal para handle nakurea karne. Etu toh state education minister, Ranoj Pegu para kuishe. Minister Pegu, X deh jai she, transfer khan toh confirm kuribole karne. Tai para etu likishe,”Padumpukhuri High School te hua incident hui she. Etu incident te ekta student muri jai she, ekta classmate logo te jakara kuri kina. Etu tragic incident laga jawab deh, 12 staff members ke transfer kuri di she, bhal para nasa karne.” Tai para aru Burhinagae Senior Secondary School laga principal ke responsibility toh di kna ase kuishe, Padumpukhuri High School ke head kuri bole. Etu laga upor te, police investigation b kurea ase itia. School Education Department para taikan nijor laga inquiry ke launch kuri kina ase. Jawan victim, kun Bhabeshasekui nah identify kurishae, tai toh classroom te giri jai shae, assault hua piche te, Hospital te phat lui jai kina b, tai toh muri jaishe koi na janai di she.