Women’s World Boxing Championships: Mary Kom, Sonia, Lovlina, Simranjit, Semi-Finals te ghussise

Five-time world champion MC Mary Kom light flyweight (48kg) te China’s Wu Yu ke haraidikena semi finals te ghussise  .Etu 35 sal tinta bacha laga ama pora Wu Yu ke 5-0 pora haraidishe aro  ekta hoilebi bronze pabole karne bhabona ase .Mary Kom etu championship te ghussa akhte  five golds aro ekta silver jitikena.Tai last bar world  championship medal jita toh 2010 te thakishe 48 kg category te gold jitikena .Etu din laga dusra bout te India’s Lovlina Borgohain pora  Australia laga Kaye Scott ke haraidikena  quarterfinal te semi final te ghussise  .Tai  final-four round te  Taiwanese Nien-Chin Chen logote khelibole ae .Aro Manisha toh  top-seeded Bulgarian Stoyka Zhelyazkova Petrova logote quarterfinal bout te 4-1 pora harishe .Aro dusra khel te  Simranjit Kaur pora  Ireland’s Amy Sara Broadhurst women’s 64 kg quarterfinals te haraidikena quarterfinal te ghussise .Aro Sonia pora  Colombia’s Yeni M Yeni M Castenada  ke 4:1 pora haraidikena  semis te ghussise.”Etu toh bishi dikdaar wala bout thakishe  eman asani bi thakanai.Yete Chinese boxers khan bishi bhal bhal wala ase  .Ami bishi manu logote khelishe  ,”Mary Kom koikena janaishe tai laga bout khotom huwa pichede .etu Indian khelari pora Kim ke juwa sal laga Asian Championships te haraidishe.Etu bout te eman action nathakikena Mary Kom bishi bhal pora khelishe .Etu laga 5 ta judges pora  30-27, 29-28, 30-27, 29-28, 30-27 laga scoreline pora tai ke jetai dishe.etu edition shuru nohoa akhe te Mary Kom Irish legend Katie Taylor logote eki eki hoikena ase medals khan jita te  .Tuesday din te jita pichede etu Manipuri toh sobse bhal boxer hoishe etu tournament te . Taylor toh etia professional circuit te ase.