Wokha tey DPDB para Yilobemo Erui ke felicitate kurishey, Guinness World Record achieve kuria nimitey

September 27, 2024, 05:20 PM : Wokha District Planning & Development Board (DPDB) para Yilobemo Erui ke felicitate kurishey, tai laga achievement nimitey, itu sob para ucha wala coriander (dhania gaas) dangor kuriboley para nimitey, kuntu toh hoiley 2.77 meter (9ft 1,06 inch) tak ucha asey koishey, kuntu toh hoiley official para record kurishey, 25^th April 2024 tey, tai Guiness World Record jeetiboley pari kena. Itu felicitation toh hoiley, itu muhina laga DPDB meeting loa laga homoi tey, kuria laga thakishey, 26^th September, 2024 tey, DC laga conference hall tey para, Wokha laga. Agriculture laga Advisor – Mhathung Yanthan para itu felicitation certificate toh hoiley Yilobemo Erui laga haath tey di dishey, tai laga achievement acknowledge kuri kena.