Bengaluru Phara Ghor te Tripura Maiki Ekta Ke Murai Dishe

Agartala, September 27, 2024: Bengaluru laga pahara ghor te ekta 26 sal  maiki ekta ke murai dishe. Etu maiki laga nam toh Mahalakshmi ase. Aru etu murai dea manu para tai laga body toh 59 Tokara(pieces) kore te she. Aru fridge te tailaga body parts to rake teshe. Etu murai dea manu toh tai nijor laga ghor te jaishe Odisha te, aru nijor ke suicide kuri kina murishe. Tai namurea agea te tai note ekta te likhishe.Tai Mahalakshmi ki khushi pai. Hoilebi etu maiki para taike chula toh tai peshi peya  bishi aro etu  para murai dishe. Bangalore laga local media hisab te, Mahalakshmi toh Tripura para ase. Aru tate popular mall te kaam kurea. Indiranagar local manu laga hisab te Mahalakshmi toh tate 5 months karne buhea ase. Tai toh ekila buhea aru tailaga osor manu khan kebi eman kotha nakurea koishe. Tailaga bhai toh olopdin karne tai logote buhi thakhishe. Police khan para bi janibole parishe ki tai toh shadi hoi kina bacha bi  ase hoilebi tai toh eki logote nabuhea. Police laga hisab te Mahalakshmi toh romantic relationship te thakhsihe tailaga eki lok kam kurea manu Mukti Rajan Roy Odisha para.Hoilebi taijun ekjun ekjun ke chari dishe eman diri nahoi kina. Police para bi suicide note paishe. Aru etu bishi bia para murai dea laga crime toh Bangalore laga City toh hilai dishe. Etu marai dea manu para likhishe ki, Tai alchi hoi jaishe tai morom kurea maiki Mahalakshmi ke aru September 3 te murai dishe taike.Police khan Odisha te jaishe etu killer Mukti Rajan Roy laga kbobor lobule hoilebi tate police khan punchea pichete janishe ki etu muta toh suicide kurishe tainijor ke rosi para hang kuri kina Wednesday din te. Tailaga ghor toh Pandi bosti Odisha te ase koishe. Hoilebi taikhan toh etu maiki laga ghor Tripura te kote ase najane koishe.