Assam Police para Narcotics khilaf Operations luishey

Guwahati, 28 September : Assam Police para state dey narcotic substances laga smuggling aro peddling ke rukhawoley kosis chari rakhi asey. Itu dey, police teams para state laga multiple jagah dey operations luishey.STF, Assam para Lalmati Forest Road dey ekta raid conduct kurishey, Amalprava Das Sikhsha Pratisthan osor dey, Basistha Police Station Jurisdiction andar dey, 27 September laga shaam dey. Itu raid homoi, ekta notorious drugs peddler ke apprehend kurishey aro ekta Matte Black coloured Honda DIO gaari, regd no. AS 01 EV 1341 ke seize kurishey. Tai logot thakia saman dey total 74 nos Vials milaina thakishey, suspected heroin thakina kuntu 86 grams weigh kurishey aro ekta mobile phone.Gourob Mandal, 25 saal, originally Kokrajhar para aro itia Basistha, Guwahati dey thakia asey, itu police team para dhurishey.Itu aaropi khilaf necessary legal action kurishey.Recently, ekta narcotics peddler, Assam laga Sonitpur district dey Khanamukh para Khairul Islam ke Sootea dey Itakhola para narcotics laga 48 containers logot arrest kurishey. Itakhola Police para taikhan laga confidential sources para khobor paina itu peddler ke dhuribo parishey. Itu police team para  registration number AS 23 D 0114 thakia ekta gaari ke seize kurishey kuntu itu peddler para tai laga illegal activities karney chulaishey.