Poma Nodi Sapha Laga Drive Thakhishe

September 29, 2024: Itanagar, 28 Sept, Mun dikina environment bachabole karne, Saturday din te The Poma Panchayat Youth Welfare Society (PPYWS) khan milikina Youth Mission For Clean River (YMCR), The Poma Wildlife Range aru The Gundu Kamir Youth Welfare Society khan Poma laga nodi sapha kuribole organised kurishe. Bishi organizations, local youths, bosti laga dangor manu khan aru wilflife officials khan laga volunteers khan kaam kurishe. Taikhan laga aim toh 1-kilometre dur nodi laga banks Rillo aru Moin jaga tak plastic hatabole kurea ase. Duita team te alak alak kuri kina taikhan duita side laga nodi bi volunteers khan para sapha kurishe. Tate duita Tata nishina latera saman toh hatabole parishe. Etu sapha kurea toh pasta nishina hoishe PPYWS khan para organizes kurea laga toh. Taikhan laga General Secretary Weyo Aku Bakha para responsible tourism aru waste management te mun dishe. Tai para, birai kina ahea manu khan ke letera aru plastic khan naphilabi koishe etu local environment bachabole karne. Notice board khan bi dishe local panchayat khan para. Etu jaga sapha rakhibole nimite. YMCR Vice Chairman Keyom Doni bi PPYWS khan ke thanks dishe. Taikhan mun dikina nodi sapha kurea karne aru taikhan nijor laga khushi para nodi bacha bole support kurea karne. Environment bacha bole karne local manu khan ke bi strict tarika banabi koishe. Poma laga wildlife range khan para nodi sapha kuribole laga drive aru department para mun dikina environment toh bachabo koi kina hokum dishe ahibole laga din tebi.