Dubai, 21 November: Wednesday din Interpol pora jaanideya toh, Interpol laga notun president nemide South Korea laga Kim Jong-yang pora jetise. Tai toh Russian official logode haraidekena jeta laga ase. Dubai jaga deh Kim logode member nations laga official khan pora Meng Hongwei laga jaga nemide junise. Meng Hongwei toh September moina tai laga khor China jaga deh haraija thakise. Last deh Beijing khan pora Meng toh corruption charge ke manise aro tai resign hoise kowah thakise. White House aro European partner khan notun Interpol president nemide Russian candidate Alexander Prokopchuk logode najunibo karni kelaaf kora thakise. Kelay koile Russian candidate pora Interpol’s kum thek pora nakorikena olda-pulda koribo naki koikena. Tuesday din president opor deh dekthari pai thaga kum toh US Secretary of State Mike Pompeo pora Kim logode dedese. Tai Meng’s laga jaga deh 2020 tak kum koribole ase.
Add Comment