BHUBANESWAR, NOVEMBER 21 : Tuesday din Odisha Sorkar pora sob melai kena 227 jun kheti kura kan jua 5 sal majutte neju murijai kena ase. Etubi tai kan neju state laga pora. Huilebi etu kan majutte 1 jun bi Loan karne mura laga nahui koi kena janaise. Aro etu kotha toh kedia kotha hutha time te juwab de kena Agriculture Minister Pradeep Maharathy pora Assembly time te janaidiya laga ase koise.
Etu Agriculture Minister pora kotha lekhe juwab te janaidiya ke sob melai kena 227 jun kheti kura kan 2013-2014 aro 2017-18 majutte neju murijai kena ase. Huilebi etu kan sob majutte ekjun bi Loan laga chamala pora mura nai koi kena janaise. Etu k e tai 1 jun kheti kura, Basta Block, Balasore District laga pora neju murijaa toh kheti te ula saman kan harijaa (loss) karne mura laga ase. Aro baaki tusera kan toh alak-alak chamala kan kobi khor manu laga chamala kan nemite mura laga ase koi kena janaise.
Add Comment