October 10, 2024, 05:36 PM : Itu ajikali laga report khan jani pai kena, narukhi kena arubhi jhamela khan hoboley lag aitu Lamhainamdi laga aas paas area khan aru Kiyevi village laga aas paas khan tey, itu Peren laga District Magistrate – Hiazu Meru para ekta prohibitory order issue kurishey, Section 163 under tey, itu Bharatiya Nagarik Suraksha Sanhita (BNSS), 2023 laga, kiba kibi violence khan hoboley thaka toh rukhaboley, aru public shanti ensure kuriboley. DM para hatiyar khan bukhiboley laga bhi ban kuri di kena asey nahoilebi alag nabukhiboley laga htiyar khan , utu area tey, phat laga effect tey dhali kena.
Jhamela khan aru bhi shuru hoishey, itu dispute hoi kena thaka Lamhainamdi area tey, October 8 tey, duita group khan majetey. Ekta video kuntu toh hoiley bhorta para circulate hoishey, social media tey, tatey police personnel khan para itu situation ke rukhaboley kushish kuri thaka laga thakishey, itu duita group khan majetey.
Police source khan para itu reporter ke inform kurishey ki, itu situation toh hoiley itya toh control tey asey koi kena, aru tatey 10 security personnel bhi rakhi dishey, Chümoukedima aru Peren district khan, duita para bhi, Indian Reserve Battalion (IRB) aru Special Task Force (STF) unit khan bhi milai kena, deploy kuri di kena asey, itu area tey.
Add Comment