Meghalaya, 11 Oct 2024: 6,52,003 manu ke flood aro landslides pra pura Meghalaya ke duk punchai ase. State’s Revenue and Disaster Management Minister Kyrmen Shylla pra koishey.
Wednesday din te Shylla pra report kurishey 246 bosti aro 347 plus ghor khan sop biya kuri dishey over barish gira pra. Etu pra 15 jun b muri jaishey.
Nuksa ke sai na Shylla koishey etu sopse biya wala ase Garo Hills region laka. Tai koishey flood toh time to time hoi thake. Hotai saal dikhe hoileh b this time la manu mura toh 15 tak jaishey. Bishi apsus khota ase. Government khan alak department khan eki lokot kam kuri ase mura manu khan la ghor manu ke madat diboleh.
Tai Chief Minister Conard K Sangma enika duk pa laka jaka te jai kina body khan hari ja ke bisara manu khan ke madat kura toh bishi kushi janai dishey.
West Garo Hills te 132 bosti flood pra affect hoi kina ase. 93 ghor biya hoishey. Pasta manu murishe aro tinta manu jokom paishey. South Garo Hills te 79 bosti affect hoishey, 244 ghor biya hoishey aro 7 jun murishey. East Garo Hills te 12 bosti affect hoishe enika kurina ekta ghor biya hoishey. Tinta manu murishey aro tinta jokom hoishey.
North Garo Hills khan tinta bosti affect hoishey. Eastern west Khasi Hiiks te charta bosti affect hoishey aro East Khasi Hills te ekta bosti aro ekta ghor affect hoishey.
Shylla janai dishey ekta relief camp bonai na ase South Garo Hills te aro West Garo Hills te 68 camps. Manu affected khan ke sabi nimite.
Add Comment