ANHTU Silver Jubilee din te Governor

KOHIMA, NOVEMBER 22 : Nagaland Governor Shri PB Acharya toh All Nagaland Hindi Teachers Union (ANHTU) laga Silver Jubilee din te jaise. Etubi Indira Gandhi Stadium, Kohima te 22^nd November 2018 te mana time te. Etu ke tai Key Note kotha kurikena Hindi Teachers kan Nagaland laga ke Hindi toh ami kan state te bhal te ahkete luijaidebole kuribi aro ahkete anedebole kuribi koi kena janaise. Kele etu Hindi kotha toh ami kan desh laga ekta janibole laga ase. Aro etu porahi ami kan desh laga manu kan sob ke ekta nemite ahejabole bara hobo koi kena.

Governor Acharya porabi ami kan jeevan te Education hi ekta bhal rasta te anedebole laga ase. Aro ANHTU kan etu Hindi kotha nemite Students kan ke bhal te ahkete luijabole kurikena thaka nemite besi khushi baa janaise. Aro tai bi Education laga asul babuna toh manu-manu majutte bhal gyan pora ahkete luijabole laga ase. Aro etu pora ami kan neju Nation te ahkete anedebole kura hobo koi kena janaise. Etu oporte tai bi Teachers kan bhal kam julai kena Nation toh ahkete anedebole kuri kena koi kena mon dangor kura kotha janaise.

Nagaland Governor porabi Naga Students kan etu National kotha (Hindi) ke khushi bai kena aro mon de kena janibole kura kotha janaise. Aro etu ke bhal ase koi kena janaise. Etu din te kotha kurikena Principal Secretary School Education, Shri Menukhol John porabi Hindi Teachers kan toh etu School laga ekta bhal wala (assets) kan ase. Etu karne tai etu Hindi Teachers kan ke etu Hindi kotha ami kan desh te ekta sob pora jula laga nemite ahkete luijabole kura karne besi khushi baa aro salam diya janaise. Aro etu kotha toh ahebole din te bi ahkete bhal pora luijabole kurikena thakibi koi kena mon dangor kura kotha janaide thakise kosie.

EEtu Silver Jubilee mana time te Special gaana toh Hindi Students aro Teachers kan alak-alak Districts, ami kan state laga pora chama kurikena aro melekena gaaidese. Aro etu Silver Jubilee laga Stone toh Governor Acharya pora kholidese aro etu oporte Jubilee Souvenir bi etu Programme mana time te dedese koise. Welcome Address toh Vice President, ANHTU, Shri Ruchunlo Tep pora janaidese aro Pastor Kelly Tsela pora toh prathana kuridese. Vote of Thanks toh President ANHTU, Rometo Sema pora janaidese koise.