Bengaluru jetise Goa logode

Agencies, 22 November: Thursday rati Jawaharlal Nehru Stadium (Fadorda Stadium) jaga deh Bengaluru aro Goa logode toh India Super League laga 8 match khela thakise. Etu time deh Bengaluru FC 2-1 score pora jetibole parise. Bengaluru nemide Rahul Bheke pora 34 minute time deh ekta goal thala thakise. Aro Sunil Chhetri pora be 77^th minute time deh ekta goal thala pora Bengaluru jetibole para thakise. Goa nemide Jackichang Singh pora 72^nd minute time deh ekta goal thala thakise. Goa laga khelari Mohamed Ali 47^th minute time deh red card powah thakise aro Bengaluru FC laga khelari Dimas Delgado be59th minute time deh red card powah thakise. Bengaluru FC toh next Delhi Dynamos logode khelibole ase aro Goa toh ATK logode khelibole ase.