GANDHIDHAM, november 24 : Gujarat ATS Friday te koishe Bangladesh para India te nakli poisa ana karne ekta manu arrest korishe. Etu nakli posa toh Malda West Bengal rasta para anishe. Statement te koishe Jyush Sheikh ke Mumbai te Anti-Terrorist Squad (ATS) team para Thursday te dhurishe.
Jyush Sheikh toh high quality Fake Indian Currency Notes (FICN) laga case karne bishari thakishe. Etu Fake Indian Currency Notes (FICN) laga value toh Rs. 1.61 lakh thakishe. Etu case toh May 2016 te Bhuj town Gujarat laga ase.
Statement te koishe Jyush Sheikh toh etiya bhi FICN racket te active ase aro Mumbai tea ahi ase khobor pa para. ATS team Mumbai city te jai kena taike arrest korishe.
Jyush Sheikh ke sawal(interrogation) huda samay te koishe tai Malda district West Bengal para ase. Tai koishe FICN toh Malda rasta para smuggle kore. Statement te koishe tai ke Special Operations Group (SOG) ke didishe. Etu SOG toh Gujarat police Bhuj town laga ase.
May 27, 2016 te bhi SOG Bhuj para 4 manu ke nakli poisa karne arrest korishe. Etu nakli poisa laga face value toh of Rs. 1.61 lakh. Tai khan etu nakli poisa toh Kutch district laga Bhuj town te circulate kori bole kosis(try) kori thakishe.
Etu 4 arrest kora manu toh Siraj Sheikh, Rehana Khatun, Sakia Khatun and Rustam Sheikh ase. Tai khan ke sawal(interrogation) huda samay te janishe ke Jyush Sheikh para tai khan ke etu nakli poisa toh supply kori thakishe.
Add Comment