November 02, 2023, 05:15 PM : Itu Kohima Law College para tai khan laga Pre-Christmas celebrate kurishey, Shri. Kezhokhoto Savi tatey speaker thaki kena, Red Cross Conference Hall, Kohima tey, 1st Nov. 2024 tey. Mr. Savi para koishey aji bishi manu khan logotey nijey laga personal crisis khan asey, itu toh hoiley nijey laga ghor, study khan, modod, kaam nahoilebi nijey laga life laga pressure bhi hobo parey, hoilebi eneka sob problem khan thakilebi, Christmas laga message tey ekta akha dikhi pai, itu laga goodwill aru itu laga khushi thaka laga.
Itu Shanti laga Raja toh hoiley jonom hoishey, moi khan karney, moi khan laga Old Testament Isaiah 9:6 tey likhi kena thaka nishina.
Itu program toh hoiley Ms. Rhonbeni Kikon para chair kurishey, Ms. Moasenla Asst. Professor para invocation kurishey. Kohima Law College Evangelical Union para welcome kuria laga ganna kurishey, Mr. Bintopong aru Ms. Katimongla Longchar para special number kurishey.
Add Comment