Bopanna para Djokovic, Federer aro nadal laka beach deh GOAT debate tho kotom kuri di shae

November 3, 2024: Tennis deh GOAT debate tho hotai Novak Djokovic, Rafael Nadal aro Roger Federer majo deh taki shae. Itia tho Jannik Sinner aro Carlos Alcaraz b future deh utu level deh punchi bole predict kuri nah ase. Etu karne, India tennis legend Rohan Bopanna para taila take kui nah debate tho kotom kuri bole decide kuri shae. Ekta interview deh kotha kura time deh, Bopanna para etu kui shae,” Sobse greatest tennis player tho Novak Djokovic ase. Sal para sal tak taila consistency tho ekdum alak ase. Novak para barriers kan bishi bangai shae. Tai ki kuri shae, etu sob ekdum bhal ase. Kun para mukan laka sport deh sobse dangor impact banai shae? etu tho itia b Djokovic ase.” Serbian tho itia ATP rankings deh fourth rank ase. Tai ekta record 428 weeks karne No. 1 ranked taki shae aro tai year end No.1 rank tho record aathpar kotom kuri shae. Tai para record 24 Grand Slam men’s singles titles jiti shae. Tateh tosta Australian Open titles ase.