Agartala, November 4. 2024: Government aru Democratic Institutions khan sukuanda aru kan para nahu nea hoishe koishe. Etea jamala ekta te maiki teacher ekta murishe koishe treatment napai kina. November 2 din te tai tailaga last saas loishe koishe. Joint Movement Committee (JMC) para koishe ki, etu maiki lagan am toh Swapna Bhattacharjee ase aru tai toh 55 saal ase koishe. Tai toh GB 79 Tilla laga jagate thakhea koishe. Tailaga bacha chokra ekta aru tai laga muta logote thalkhea koishe. Tai olop diri karne bimar thakhishe koishe, hoilebi treatment nimete poisa thakhea nai koishe. Aru tai Saturday din te murishe koishe, tailaga bacha aru Muta ke chari dishe. Yete tai murea milai kina etea total 187 nishina murishe koishe treatment napai kina.
JMC para koishe ki, Officers of the Law Department aru School Education Department khan bi etu judgement khan napuri kina bishi jamala kuri dishe koishe. Aru JMC laga Leaders khan para koishe ki, Teacher khan puka nishina murea ase koishe, hoilebi Government aru alak institutions khan chup chap buhea ase koishe eku nahunea nishina.
Add Comment