Colombia, 5 November : Arunachal Pradesh laga ekta proud moment te, state tu United Nations Convention on Biological Diversity (UNCBD) te global recognition paise, jikhon Cali, Colombia te hise. Biodiversity conservation te commendable efforts karone Arunachal ke etu recognition paise. Ngilyang Tam, PCCF aru Chief Wildlife Warden, convention doran delegation ke lead kuri thaka, October 21 pora 31 logote.
Notably, CBD ekta legally binding international agreement ase, jun biodiversity ke conserve kuribo, natural resources laga sustainable use promote kuribo, aru genetic resources pora benefits fair sharing ensure kuribo aim kure.
Social media handle X te Arunachal Pradesh Chief Minister Pema Khandu state laga representation global platform te khushi express kure, aru environmental sustainability aru wildlife protection te commitment underline kure.
CM Khandu likhise, “Arunachal Pradesh karone proud moment! Amar delegation Shri Ngilyang Tam Ji laga lead te UNCBD te India ke represent kurise Cali, Colombia te, Arunachal laga success stories biodiversity conservation te showcase kure.”
Tai state laga initiatives – ‘Snow Leopard protection’ aru ‘Airgun Surrender Abhiyan’ ke bhi laud kure, jun greener aru sustainable future promote kuribo karone! “Snow Leopard Protection pora Airgun Surrender Abhiyan pora, ami continuously greener aru sustainable future karone kaam kuri ase!” post te add kora hoise. Delegates khan state laga success stories showcase kure biodiversity, forests, aru wildlife resources protection, conservation, aru preservation te global attention draw kuribo karone.
Add Comment