Shillong, 5 November : Border Security Force (BSF) aru Meghalaya police ekta joint operation te sombar din 11 jon Bangladeshi nationals ke duita alag incident te dhori loise.
BSF laga kotha anujai, local police logot milike, Baldamgiri Tinali (Tri-Junction) te international border najik, South West Garo Hills area te, seven Bangladeshi nationals ke dhori loise. Ekhon individuals khan ke Amir Ali (35), Mir Jahan (45), Biplob Mia (35), Angur Hussain (20), Chand Mia (32), Rasel Mia (32), aru MD Bakul Mia (35) buli identify kora hoise, jiman Kurigram District, Bangladesh pora asile. Tai khan Baldamgiri Tinali najik te shelter loi rakhi thaka khobor pua, aru inquiry doran te tai khan kotha dise je employment loi jabo karone Assam te enter kora.
Dusra ekta incident te, BSF troops Meghalaya te char jon Bangladeshi nationals aru tin jon Indian nationals ke dhori loise. Bangladeshi khan ke Shorobindu Biswas (37), Royal Talukder (17), Rony Lamin (34), aru Kausalla Talukdar (33) buli identify kora hoise. Indian nationals khan te Shankhor Saha (46 years), ek minor Ronbir Saha (9), aru Suna Lyngdoh (22 years) ke identify kora hoise, jun international border Dawki, East Khasi Hills district te vehicle logot asile.
Inquiry doran, etu khan kotha dise je tin jon Bangladeshi national Assam te employment loi enter kora, aru tin jon Indian nationals relatives logot meet karibo karone Bangladesh te enter kora. Ek jon Bangladeshi national, jun tout buli identify kora hoise, tai sob manu khan ke vehicle arrange kora dise. Dhora loise manu khan ke local police station te investigation aru further necessary action karone handover kora hoise.
Add Comment