AYODHYA, november 26 : Sunday te Rashtriya Swayamsevak Sangh (RSS) chief Mohan Bhagwat koishe patience laga samay khotom hoishe. Ayodhya Uttar Pradesh te Ram Temple banabole kanoon(law) banabole lage. Judi etu matter toh Supreme court para important noloile.
Vishwa Hindu Parishad(VHP) para organize kora rally te Mohan Bhagwat para Ayodhya laga Ram Temple issue opor te koishe.
Moi ek saal agote patient rakhibole koishe hoilebhi moi etiya koi ase patient para nohobo. Amikhan kanoon(law) mangibole lagibo. RSS Chief para koishe.
RSS chief 1992 te koishe Ayodhya laga Temple karne Prime Minister PV Narasimha Rao logote jaishe hoilebhi tai eku bhal decision te ahanai.
Etu karne karsevaks (volunteers) khan khong uthishe aro Babri mosque December 6, 1992 te gerai(demolish) kori dishe.
RSS Chief koishe 2010 te Allahabad High Court Ram temple construct koribi koishe. Etiya top courts koi ashe etu tai khan laga priority nohoi.
January 2019 pichote he etu samasiya(issue) laga kotha honibo. Etu kuwa karne Supreme Court para High court laga decision against te khota honi ase.
Mohan Bhagwat koishe manu khan government logote larai(fight) nokoribo. Hoilebhi pressure toh dibo.
Judi government temple banabole mana korile, etu pressure para koribole lagibo. Aro judi temple banabole echa ase hoilebhi banabo napar koile etu pressure para tagot papo. RSS Chief para koishe.
Add Comment