Nutun missile launch tho West laka careless decision deh jawab ekta ase, Kremlin para kui shae

November 23, 2024: Thursday din deh launch kura Russia laka nutun medium-range ballistic missile tho Western countries laka carless decision karne ekra jawab ase, Kyiv keh hatirar kan dia karne, Kremlim laka isap deh.

“Main message tho etu ase. Western countries kan Ukraine keh hatirar kan di shae, kuto Russian jaka deh launch kuri bo karne ase. Etu decision tho Russian kan chari bole napareh, react nakuri nah,” Kremlin spokesperson Dmitry Peskov para Friday din deh kui shae.

Tai para Washington kan Russian President Vladimir Putin laka warning huni shae koile tho kushi pabo kui shae. Putin para St. Petersburg Cultures Forum deh, Kyiv laka allies kan keh warning di shae, Russia laka against chub oleh taikan laka hatirar chubo nadi b kui nah.

September mohina deh, United States kan Ukraine keh American missiles chubo di bole permission di bo nah nadi bo hudi shae, Putin keh. Tai para etu jawab di sha: “Etu decision banai shae koile tho, direct war deh gusa nishi nah heh hui shae – Etu kuri shae koile tho NATO Countries, United States aro European countries kan war deh parties ase, Ukraine deh.”