November 23, 2024: Centre kan Manipur keh Central Armed Police Force (CAPF) laka additional 90 companies dibo leh ase. State deh puila para heh 198 companies kan taki nah ase.
Manipur laka state security advisor Kuldiep Singh para Jua sal, may mohina para 258 manu juri shae kui shae, ethnic violence para. “Aji mukan ekta security review meeting lui shae aro etu meeting deh mukan sob districts aro Imphal city laka security keh review kuri shae. Meeting time deh, Army, police, CRPF, BSF, ITBP officials kan taki shae. Ki dictar ahi leh b, mukan sob eki lokot deh taki bo,” PTI para Singh keh quote kuri shae.
“Mukan sob district laka DC aro SPs lokot deh issues kan kotha kuri shae. Apni jani nah taki bo itia para, mukan 90 companies laka extra force deployment pabo leh ase kui nah. Mukan yeteh 198 companies puila para heh ase aro 70 aro ahi bole ase. Tateh para kun bah kan tho puila para heh Imphal deh punchi nah ase,” state security advisor para kui shae.
Security advisor para vandalism laka connection deh 32 manu keh arrest kuri shae kui shae aro 3,000 nishi nah chor kura hatirar kan keh recover kuri di shae kui shae.
November 16 time deh protest kan taki shae aro enaka time deh kun bah manu kan para minister laka saman kankeh chor kuri shae. Etu deh Manipur chief minister N Biren Singh para etu suspects kan keh identify kuri shae kui shae aro legal actions kan lui nah ase kui shae.
Add Comment