Kitarkyushu, 25 November : 2024 World Table Tennis (WTT) Finals te Sunday din China laga Wang Chuqin aru Wang Manyu men’s aru mahila laga singles title khel jeeti loise.
Men’s singles final te, world No.1 Wang Chuqin aru Japan laga Tomokazu Harimoto ekjon ke highly anticipated match te face kuri dise. Duita agor te 2022 WTT Cup Finals laga men’s singles final te bhi mile thakise, jun te Wang 4-2 jeeti loise.
Xinhua laga report hisab te, Wang match laga first khel flawless thakise, 10 consecutive points score kuri gina 11-2 te khel jeeti loise. Second khel te, Harimoto apna rhythm wapas loi anibo try kuri dise, hoilebi Wang laga relentless offence opor fight kuri napara aru 11-8 te hare. Wang tai laga momentum maintain kuri gina next doita khel 11-7 aru 11-5 te jeeti gina 4-0 victory loi dise.
Itu Wang laga continuously third WTT Finals men’s singles title thakise, 2022 aru 2023 WTT Cup Finals laga win opor.
Mahila laga singles final te all-Chinese battle thaikise Wang Manyu aru Chen Xingtong majote. Itu season te duita milibo charta bar thakise, jun sob te Wang jeeti loise.
Match tight contest thakise, aru duita first six khel te ekjon ekjon khel exchange kuri dise, long rallies aru quick exchanges display kuri gina. Decisive seventh khel te score 5-5 tie thakise, hoilebi Wang aggressive serve pra momentum loi gina crucial lead paise. Tai consecutive points score kuri gina khel 11-5 te close kuri dise, aru 4-3 victory opor title jeeti loise.
Add Comment