November 26, 2024: BTS laka Jungkook tho etu sal alka Billboard Music Awards karne nominated hua K-pop artist kan keh lead kuri ase. Showtime tho ahi bole ek mohina b bachi nah nai. 2024 Billboard Music Awards ceremony, kuto December 12 deh hobo leh ase, etu tho jua sal deh introduce kura nutun bana tradition deh follow kuri bole ase aro. Etu sal tho chartha nutun K-pop specific categories keh introduce kuri bole ase: Top Global K-pop Artist, Top K-pop Album, Top Global K-pop Song aro Top K-pop Touring Artist. BTS Jungkook tho K-pop roster keh lead kuri ase, choitha nominations lokot deh. Tateh para tuita tho international categories deh ase.
Jungkook laka “standing Next to You” tho Benson Boone laka “Beautiful Thins”, Shaboozey laka “A Bar Song (Tipsy), Post Malone laka “I Had Some Help (ft Morgan Wallen) aro Teddy Swims laka “Lose Control” lah against jai ase, Top Selling Song karne. BTS singer tho Shaboozey, Taylor Swift, Jelly Roll aro Teddy Swims lokto deh b nominate hui nah ase, Top Song Artist karne. Alak sid deh Stary Kids tho Coldplay, Linkin Park, blink-182 aro Fuerza Regida laka against jai ase, Top Duo/Group trophy karne.
Two-hour special tho actress aro comedian Michelle Buteau para host kuri bole ase, Thursday, December 12 din deh.
Add Comment