Malaga, 26 November : Jannik Sinner tai laga shandar saal complete korise jetiya Tallon Griekspoor ke 7-6(2), 6-2 harai diya pichete Italy ke Davis Cup title aru Netherlands ke final te 2-0 harai dibole para pichete.
Italy dusor bar lagatar Davis Cup champion hoise aru history te tinta bar jiti loise, Sunday laga final te Netherlands ke 2-0 harai diya pichete Malaga te.
Matteo Berrettini surute Italy ke advantage di bole para jetiya tai Botic van de Zandschulp ke 6-4, 6-2 pra ekta shandar performance dikhai loise. Tai pichete, Sinner laga jeet Italy ke 2-0 triumph confirm korise Netherlands khilaf te.
Australian Open, US Open aru ATP Finals champion Sinner 2024 season ke 73-6 singles record pra complete korise, Infosys ATP Stats Win/Loss Index hisab te, jun laga sobse dangor ATP Tour record Andy Murray laga 2016 te 78 jeet pichete hoi ase. Itu 23-saal khiladi season laga last 14 tour-level matches jitise, aru itu streak te ekta he set harise.
Italy Czechia (2013) pichete first desh hoise jun Davis Cup defend korise, aru history te paanch bar hoise jun ekta desh Davis Cup aru Billie Jean King Cup ekbar te jiti loise.
Netherlands karone itu final special thakise, karon tai laga 104 saal te agey bar Davis Cup final punchise.
Add Comment