November 28, 2024: Teentha American manu. kun kan keh China para jail kuri nah taki shae, bishi sal karne, taikan keh release kuri di shae aro taikan United States deh wapas ahi ase, White House para Wednesday din deh kui shae. Taikan para Biden administration laka final mohina kan deh ekta diplomatic agreement announce kuir shae.
Etu teentha manu laka nam tho Mark Swidan, Kai Li aro John Leung ase. Taikan sob tho China kan para wrongfully duri shae kui nah US government para designate kuri shae. Swidan tho drug charges deh death sentence ekta face kuri ase aro Li aro Leung tho espionage charges deh jail kuri nah ase.
“Taikan julti wapas ahi bole ase aro taikan laka kandan lokot deh wapas mili bole ase, bishi sal piche deh,” White House para ekta statement deh kui shae.
Etu nahua agae deh China kan para David Lin. Ekta Christian pastor keh release kuri shae, kun 20 sal karne jail deh taki shae, contract fraud laka charges deh convict taki nah. Tai tho California para taki shae.
U.S-China laka relations tho bishi sal karne bia taki nah ahi ase, dunia laka tuita sobse dangor economies majo deh disagreements taka karne. Etu disagreements tho fentanyl precursors laka productions, security issues, China laka Taiwan aggression, aro Beijing laka Russia military support karne taki shae.
Add Comment