New Delhi, 28 November : India laga 295-run jeet Australia opposite Perth te first Border-Gavaskar Trophy Test te, fast bowler Jasprit Bumrah ICC Men’s Test Bowling Rankings te top-ranked bowler nisina wapas ahise. Itu match te, opener Yashasvi Jaiswal bhi dangor progress korise, aru ta batters’ list te career-best second spot pounchise.
Bumrah eight wickets tulise, juntu te first innings te ekta five-wicket haul mila ase, aru Perth te Player of the Match honours paye, juntu match te ta India ke Rohit Sharma laga absence te lead korise. Itu performance pora ta South Africa quick Kagiso Rabada aru Australia seamer Josh Hazlewood ke pass koribo lagi, Test cricket te top-ranked bowler title reclaim korise.
Bumrah ta laga career-best 883 rating points pounchise, juntu ekta Indian fast-bowler pora sab pora highest ase. Indian spinners Ravichandran Ashwin (904) aru Ravindra Jadeja (899) hi itu pora dangor rating points record korise. Itu bar Bumrah titaijar te third time rankings top korise, February aru October te doita one-month phases top thakar pichede.
Ta laga fellow pacer Mohammad Siraj bhi rankings te up korise, aru ta 25th position te punchise.
Jaiswal, juntu Perth te second innings te ekta brilliant 161 score korise, Harry Brook aru Kane Williamson ke pass koribo pora batters’ list te second position aru 825 career-best rating points ulaise. Itu England batter Joe Root laga top rating pora 78 points niche ase.
Add Comment