Gujarat Te Muslim Students Laga Data Collect Kori Ase

GANDHINAGAR, november 28 : State Education Minister Bhupendrasinh Chudasama Tuesday te koishe Class 10 aro 12 board exam diya Muslim students khan laga data collect korishe. Etu data collection toh Gujarat government para jua five years para kori ahi ase. Education Department Gujarat niche te aha Gujarat Secondary aro Higher Secondary Board (GSHSB) etu data collection kore.Etu data collection toh school authorities para online board examination forms te kore. Etu information toh khas (special) username aro password-protected software para access koribo pare. Etu toh students ke examination forms fill koribo karne ase. Education Minister news agency IANS ke confirm korise etu practice to 2013 para choli ahi ase. Education Minister Chudasama koishe Gujarat te dushra minority community thakile bhi kile Muslims ke he alag identity de data collect koribole.Mr Chudasama koishe 2013 para etiya tok kun bhi etu samasiya (issue) opor te kun bhi complain kora nai. Kausar Ali Saiyad, Hamaari Awaaz laga founder koishe bishi manu etu practice opor te aware thaka nai.  Hamaari Awaaz toh Muslim community karne kaam kora laga organization ase.Kauser Ali koishe government toh hossa bhi Muslims students laga higher education karne bhabi ase. Etu nimite data collect kori ase koile toh moi khushi ase. Hoilebhi government para eku kaam kora nadhike post-metriculation scholarships nohoile bhi dushra schemes Muslims students karne.