Singapore, 29 November : World Chess Championship laga choutha khel, jun Chinese champion Ding Liren aru Indian challenger D Gukesh majote Friday te Singapore te khelise, ekta draw te khotom hoi dise. 14-match series laga summit clash te charta khel khotom hobo te duita player 2-2 points te equal ase.
Thursday laga break pichete, Liren white pieces loi kena khel shuru korise aru knight laga ekta unique move di kena Gukesh laga preparation test korise. Kintu Gukesh bait naboli nijor conventional opening te stick kori, reverse British sequence te bishop laga long-range offer korise.
Duita khiladi nijor timing bhal se manage korise, aru game pura balanced thakise. Khel shuru para draw jabo lage nishina dikhaise, especially midgame te jahan Liren ekta risky kintu advantageous move try koribo parile bhi caution choose kori dise.
32-saal umar Liren caution te thakibo nichoi kori draw accept korise, jabole Gukesh last exchanges te aggressive thakibo kosis korise. Liren midgame te thora upper hand paise, kintu Gukesh nijor solid moves loi kena situation neutralise korise aru khel ke deep te lobo para dikhaise.
Khel te Liren ekta exchange pichete alak exchange offer korise, aru Gukesh careful thakibo para pura manage korise nijor pieces safe rakhibole. Queen exchange hobo te khel duita side laga tin ta pawns aru ekta rook-end game te pohchise, aru Gukesh opening push koribo try korise. Last te, khel draw te khotom hoi, aru World Chess Championship laga battle ekdom balance te ase.
Add Comment