Los Angeles, 29 November : LeBron James laga sixth triple-double season te record koribo para Los Angeles Lakers ke San Antonio Spurs ke 119-101 points para harabo madad korise. James 16 points score korise, aru logot 11 assists aru 10 rebounds add korise, juntu Lakers ke 3 bar ekke piche hara laga streak te rukabo dibole madad korise. Visiting Lakers team laga 7 khiladi double figures te points score korise, juntu majote Dalton Knecht 20 points aru Anthony Davis 19 points score korise.
Dusra side te, French sensation Victor Wembanyama Spurs karone top scorer thakise 20 points para, kintu team laga 4-khel winning streak rukabo napara dikhaise.
Alak jagate, Eastern Conference laga leaders Cleveland Cavaliers season laga prothom home defeat samna korise, aru campaign laga dusra loss hoi jabo time Atlanta Hawks ke 135-124 para hari dise. Hawks laga Trae Young 20 points aru career-high 22 assists record korise, aru teammate De’Andre Hunter 26 points score korise.
James Harden 43 points score korise Los Angeles Clippers laga 121-96 win te Washington Wizards ke harabo time. Itu Harden laga highest points March 2021 pora ase, aru Wizards team laga 13-khel losing streak continue korise.
Golden State Warriors, juntu Stephen Curry injure karone nai thakise, Oklahoma City Thunder karone 105-101 points para hari dise. Thunder karone Shai Gilgeous-Alexander 35 points score korise, aru Warriors laga third straight defeat record korise.
Salt Lake City te, Nikola Jokic laga performance aru 30 points, 10 rebounds aru 7 assists Denver Nuggets ke Utah Jazz ke 122-103 para harabo madad korise.
Add Comment