November 30, 2024: Gujarat laka Anti-Terrorist Squad (ATS) para ekta boat repairman keh arrest kuri shae, sensitive military information kan pass kura karne. Etu information tho Indian Coast Guard (ICG) ships laka movement deh taki shae aro etu tho tai Pakistani agent keh di shae, kun tai Facebook app deh mili shae, Officials kan para Friday din deh kui shae.
Police para suspect tho Dipesh Gohil ase kui nah identify kuri shae. Tai tho Arambhada bosti laka ekta manu taki shae, Dev Bhoomi Dwarka district lah. Tai tho last teentha sal karne boats kan keh repair kuri taki shae, Okha Jetty deh.
ATS officials laka isap deh, Gohil tho allegedly Facebook deh ekta manu lokot deh mili shae. Tai tho nijor keh Sahima ase kui nah identify kuri shae, Officials kan para taikan, WhatsApp deh communicate kuri shae kui shae.
Pakistani agent para Gohil tho port jaka laka dukan osor deh wielding aro electrical repair laka kam kureh kui nha jana piche deh, tai para hotai din Rs 200 dibo leh offer kuri shae. Tai para jetty deh coast guards ships kan kiman ahi shae aro ships laka nam kan jani bo karne poisa offer kuri shae.
Gohil lokot deh ekta bank account taka nai, etu karne taila teentha sathi laka account details keh share kuri shae. Maike para satha mohina pitor deh RS 42,000 patai shae, UPI para. Maike para taike, tai tho Pakistani Navy lokot deh kam kureh kui nah kui shae.
Tai tho criminal conspiracy aro government laka against war wage kura laka charges deh arrest kuri nah ase, sections 61 aro 147 laka pitor deh.
Add Comment