November 30, 2024: Friday din deh Bangladesh para Kolkata deh tak Deputy high Commission deh hua violent protest laka upor deh jinta express kuri shae aro New Delhi keh, taikan laka sob diplomatic missions kan lah safety keh ensure kuri b kui shae.
Ministry of Foreign Affairs para aha ekta statement isap deh, Thursday din deh hua violent protest deh Bangladesh flag aro Interim government chief Muhammad Yunus laka effigy keh julai di shae.
Bangiya Hindu Jagaran Manch laka members kan Kolkota deh taka Bangladesh Deputy high Commission laka office deh ekta rally organize kuri shae, Hindu community laka upor deh hua hamla keh protest kuri bo karne. Etu heh nahoi nah spiritual Leader Chinomy Krishna Das laka hamla laka arrest karne b protest kuri shae.
Das, kun International Society of Krishna Consciousness of Bangladesh laka ekta former member ase, taikeh ekta sedition case laka connection deh arrest kuri di shae, aro Tuesday din deh taila bail tho deny kuri shae.
Enaka hua tho Bangladesh laka alak alak jaka kan deh Hindu community members kan protest kura shuru hui shae, Capital Dakha aro Chattogram laka port city deh.
Ministry of Foreign Affairs para pah Friday laka statement isap deh, protestors kan Bangladesh Deputy high Commission laka boundary deh punchi shae aro taikan laka national flag keh julai di shae. Etu heh nahoi nah Yunus laka effigy keh b julai di shae kui shae. Ministry para taikan, etu acts kan keh strongly condemn kureh kui shae.
Add Comment