London, 30 November : Manchester United pechate pora uthikena Bodo/Glimt ke 3-2 para harai dise Europa League te Thursday din, aru itu nija laga nutila manager Ruben Amorim under te prothom jit ase. United agote 1st minute te lead loise ekta bishi dangor keeper Nikita Haikin laga mistake pora, jun back pass deal korte naparakena Rasmus Hojlund laga pressure te ball chari dise aru Alejandro Garnacho easily tap-in koribo parise.
Bodo/Glimt duta gola fatai dise fast break pora, junte Hakon Evjen ekta dangor strike 19th minute te top corner te mara aru Philip Zinckernagel Tyrell Malacia ke control kori loise aru keeper Andre Onana ke harai Old Trafford laga public ke shock diya.
United equalize korise break hobo age junte Noussair Mazraoui laga ekta pass Rasmus Hojlund ke pai dise. Hojlund ball ke first touch para control kori doise aru duita defender majote shot mara far corner te.
5 minute break pora pichite Amorim laga team aro ekta gola marise. Manuel Ugarte laga low pass Hojlund goal te guide kori dise shortly pichite Mason Mount laga ekta shot crossbar te porise.
United aru ekta goal pabole na parise, kintu keeper Onana laga duta bhal save karone points bacha pai aru standings te 12th place te 9 points ke pounchise, Bodo/Glimt te 7 points ase.
Spurs late equalizer khorise AS Roma against aru match 2-2 te draw hobo dise, aru leader Lazio scoreless draw korise Ludogorets logote. Spurs early lead loise home te, junte Son Heung-min ekta penalty convert korise 5th minute te, kintu Evan N’Dicka equalizer mari dise Roma karone. Brennan Johnson Spurs ke first half te phir para lead anise, kintu Mats Hummels laga injury time goal karone Spurs 9th place te 10 points logote sese aru Roma 21st place te 6 points ase.
Lazio laga four wins record ekta frustrating draw hobo parise Ludogorets logote jun pura defend korte ahi dise. Anderlecht level koribo naparakena Lazio logote Porto against 2-2 draw marise home te, jun twice equalize kori aru Francis Amuzu laga last 4 minutes te goal marise draw bacha bole.
Galatasaray 11 points te ase pichite AZ Alkmaar ke home te 1-1 te rokha dise. Turkish team ekta early lead loise Sven Mijnans laga goal pora, kintu Peer Koopmeiners laga own goal karone jit rukhi dise.
Ajax Amsterdam 10 points te thaki aro sixth place te ase pichite Real Sociedad te 2-0 hobo harise, Spanish team 7 points logote 16th place uthise.
Athletic Bilbao easy win loise Elfsborg logote 3-0, junte Adama Boiro, Benat Prados Diaz aru Gorka Guruzeta goal marise, aru Eintracht Frankfurt 2-1 pora Midtjylland ke harai Lazio logote 13 points te ase.
Rangers top 8 te uthise 10 points aru France te Nice ke 4-1 para harai dise. Hamza Igamane duta goal marise Vaclav Cerny aru Mohammed Diomande Rangers ke early 2 goals lead anise pichite. Nice second bottom ase 2 points logote.
Lyon Qarabag ke Azerbaijan te 4-1 para harai dise, junte Georges Mikautdze opening aru closing goal marise, Lyon seventh place te ase 10 points logote.
Maccabi Tel Aviv laga prothom win ese Besiktas ke 3-1 harai gina, game Debrecen, Hungary te khela ise security reasons karone. Besiktas penalty equalize koribo try korise, kintu Ciro Immobile laga shot save hobo aru Weslley Patati laga goal 10 minutes baki te Maccabi ke jit confirm korise.
Add Comment