December 5, 2024: DC Office Complex, Peren District Hq deh Three-day Unity Mini Hornbill Festival shuru hui shae, 5th December 2024 din deh. Etu Festival deh Deputy Commissioner Peren, Hiazu Meru tho special guest taki shae, inaugural function laka.
Taila address deh, Hiazu Meru para festivals tho human culture laka ekta integral part ase kui shae, kuto para manu kan keh eki lokot deh ani bole platform ekta deh, ekjun ekjun lokot deh connect kuri bole. Tai para etu events kan tho traditions, customs aro values laka rich diversity dikai kui shae, kuto communities kan keh define kureh. Tai para festivals kan cultural heritage keh rakhi bole ekta zaruri role kile kuri shae.
Etu laka upor deh tai para tuita neighbouring bosti, Kejanglwa aro New Peren keh acknowledge kuri shae, Morungs laka construction deh taikan laka contribution karne.
Last deh, DC para sob government departments/ contractors/agencies keh thanks di shae, taikan laka support aro cooperation karne. Piche deh Hiazu para sob Head of Departments aro offices kan keh eki team spirit lokot deh kam kuri taki b kui shae, officers laka unity keh kara kuri bo karne, district keh agae jabo di bole.
Add Comment