New York, 6 December 2024: New York te police khan duita photo release kuri shey ekta unmasked manu laka, kun ke questioning nimite lagi ase health care chief executive ke murai dia laka opor te.
United Healthcare boss Brian Thompson, 50 saal ke biya pra goli mari dishey pichideh Wednesday din morning te, Hitlon hotel bahar te Midtown Manhattan te.
Hamla kura manu toh jaka pra polai jaishey Thompson laka saman ekta b naloi kina. Police khan bisas kuri ase ki victim ke target kuri kina thaki shey pre-planned killing te.
Investigators khan facial recognition technology b chulai ase aro bullet casings cryptic messages thaki kina, suspect ke bisaribo nimite. Taikhan echa b shooting laka ki motive ase reveal kuri nai.
Etu shooting toh 06:45 EST ( 11:45 GMT) nishina te hoishey Manhattan laka busy part te, Times Squares aro Central park osor te. Thompson toh scheduled thaki shey khota kuribo leh investor conference te etu din te he.
Police khan laka hisap pra, suspect toh kun clad thaki shey kala face mask te aro light brown cream colour jacket chulai thaki shey – tai Thompson ke five minutes rukhi thaka nishina dikhi paishey Hilton hotel bahar te, tadeh expect kuri thaki shey Thompson khota kuribo leh.
Thompson theng pra ahishey, taike pichideh aro theng te mari dishey aro ek ghanta adhat par hoi kina muri jaishey local hospital te.
New York Police Department (NYPD) Chief of Detectives Joseph Kenny pra janai dishey ki suspect laka hatiyar toh jam hoi kina thaki shey hoileh b tai joldi banabo pari shey aro goli mari thaki shey.
Add Comment