Ukrainian war death toh 43,000 tak uthi shey, Zelenskyy pra rare update te janai dishey

Ukraine, 9 December 2024: 43,000 Ukrainian soldiers nishina muri jaishey Russia laka full-scale invasion shuru hoi kina, Volodymyr Zelenskyy pra koishey ekta rare admission te nations laka nuksan laka khota kura time te. Social media post te, Ukrainian president pra koishey 370,000 manu nishina jokom hoishey koina report kuri shey, hoileh tadeh soldiers khan ke b milai kina ase aro kunba b double jokom hoina b ase aro kunba toh chutu mutu jokom he ase. Tai aro koishey ki 198,000 russian soldies ke murai dishey aro 550,000 nishina ke jokom ponchai dishey. BBC khan duita side laka figures toh verify kuribo parinai. Kyiv aro Moscow b regularly ekjun ekjun laka losses estimate toh publish kureh hoileh b taijun b reluctant ase nijor laka detail kuribo leh. Nutun figures pra Ukrainian death number toh utha mark kureh etu saal shuru pra. Zelenskyy pra Ukraine laka nuksan te update last dia toh February te thaki shey, etu time te death toh 31,000 thaki shey. Ukrainian president ke manu khan pra bhabi ase taike compel kuri shey admission kuribo leh incoming US president-elect Donald Trump pra social media te likhi pichideh. US president pra likhishey ki Ukraine toh 400,000 soldiers hari jaishey, enika kurina 600,000 russian soldiers ke murai dishey nahoileh jokom kuri dishey. Trump pra kwa nai tai etu figures toh kuta pra loishey koina. Incoming president, kun pra puila pra koishey war toh khotom kuribo mon ase, tai pra koishey bishi manu laka life misa mishi jaishey.