Opposition khan Ghana presidential election jitishey, vice-president pra koishey

Ghana, 9 December 2024: Ghana laka vice-president  Mahamudu Bawumia Saturday din laka election te har manishey aro opposition candidate, purana President John Mahama ke congratulate kuri shey tai jita nimite. Bawumia pra koishey manu khan pra change nimite vote kuri shey. Country laka generation te sopse biya economic crisis time te etu election ahishey, tadeh dikhi paishey saman laka dam khan utha laka, aro etu hoina chokra manu khan kam pabo leh eman duk pai ase aro country khan baki dibo leh duk pai ase. Bawumia laka concession hoi kina b echa tak official results toh declare kuri nai. Electoral Commission (EC) khan pra koishey results toh deri loi ase kileh maneh duita main party laka supporters khan process toh imped kuri ase aro taikhan police khan ke huti shey collation centres toh khali kuribo leh. Mahama laka supporters khan toh country laka rasta te jaishey celebrate kuribo leh, hala kurishey, flags kha urai thakishey, horn bajai shey aro motorbikes khan spin kuri thaki shey. Salifu Abdul-Fatawu pra BBC khan ke Kamusi laka central city te koishey, tai bishi excited ase etu victory karne.