Manipur: Bishi Hatiar Banduk Nishina Durishe Koishe, Hills aru Valley Districts Te

Manipur, December 9, 2024: Indian Army, Assam Rifles aru Manipur Police khan mili kina operation kurishe koishe, Yete Manipur laga Hills aru Valley Districts phale. Aru taikhan hatiar banduk khan, banduk laga guli, aru larai kuribole laha hatiar khan bishi durishe koishe. Etu operation khan toh Churachandpur, Kangpokpi aru Thoubal districts khan te kurishe koishe. Yete region te sunsan aru security laga tarika khan kuribole nimete ase koishe. December 4, 2024 laga din tebi, taikhan khobor huni kina, Assam Rifles aru Manipur Police khan mili kina operation kurishe koishe Kangpokpi Laga district Loiching Ridge jaga te. Yete taikhan Sniper Rilfe, Lathode banduk, duita 9mm Pistol, SBBL banduk aru guli aru alak hatiar khan bi durishe koishe. Aru etu laga eki din tehe, mili kina operation toh kurishe koishe Phaikhothang Bosti te, aru taikhan 7.62 mm SLR rifle, 12 bore single-barrel banduk, 9mm pistol, guli aru alak hatiar khan bi bishi durishe koishe. Yete sob saman durea khan toh Manipur Police khan laga haat te didishe koishe, aru investigate kuribole nimete.